Бухорода 10 дан ортиқ одамга қасддан ОИВ инфекциясини юқтирган аёл ҳибсга олинди

north_east

Бухорода икки аёл билан жинсий алоқа қилган ОИВ касаллиги бор йигитга жиноий иш очилди

Жорий йилнинг 1 март куни Бухоро вилояти Когон шаҳрида ўтказилган тадбирда 10 дан ортиқ одамга қасддан ОИТС касаллигини юқтирган аёл қўлга олинди. Бу ҳақда вилоят ИИБ хабар берди.

Маълум қилинишича, Когон шаҳар, Бирдамлик кўчасида яшовчи, 1994 йилда туғилган Х.Д. исмли аёл, 2017 йилнинг 21 декабрь кунидан бошлаб Бухоро вилоят ОИТСга қарши курашиш маркази ходимлари томонидан ОИВ инфекциясини юқтириб олган шахс сифатида рўйхатга олиниб, ОИВ инфекциясини бошқа шахсларга қасддан юқтирганлик учун жиноий жавобгарликка тортиш тўғрисида огохлантирилиб, тилхат олинган.

Аммо шунга қарамасдан, ўзининг ОИВ инфекциясига чалинганлигини била туриб, 2020 йилнинг август ойидан 2021 йилнинг февраль ойига қадар, 10 дан ортиқ фуқаролар Р.Ш., Р.Б., А.Ж., С.Ш., Ҳ.Б., Ш.А., М.А., Э.А., Ҳ.Д. ва бошқа шахслар билан Бухоро шаҳрининг турли жойларида ҳимоя воситаларисиз жинсий алоқада бўлиб, ушбу шахсларга ОИВ инфекциясини қасддан юқтириш ва юқтириш хавфи остида қолдириш жиноятини содир қилганлиги аниқланган.

Ҳозирда мазкур ҳолат юзасидан вилоят Ички ишлар бошқармаси Тергов бошқармаси томонидан Х.Д.исмли аёлга нисбатан Ўзбекистон Республикаси ЖКнинг 113-моддаси 4-қисми билан жиноят иши қўзғатилиб, унга нисбатан қамоққа олиш тарзидаги эҳтиёт чораси қўлланилди.