“Бухоро” футбол клуби Шимолий Корея билан куч синашади
Спорт
−
29 Январь 2025 2889 1 дақиқа
Айни кунларда Туркиянинг Анталья шаҳрида ўқув-йиғин машғулотларини ўтказаётган Ўзбекистоннинг “Бухоро” футбол клуби Корея Халқ Демократик Республикаси (КХДР) билан ўртоқлик ўйини ўтказади. Бу ҳақда клуб матбуот хизмати хабар берди.
Эътиборлиси, шимолликлар Ўзбекистон терма жамоасининг Жаҳон чемпионати саралашининг 3-босқичдаги рақибларидан бири ҳисобланади. Ўтган йил шимолликларга қарши ўтказилган ҳар икки учрашувда Ўзбекистон терма жамоаси ғалаба қозонди.
Қайд этиш жоиз, “Бухоро”дан олдин Термизнинг “Сурхон” жамоаси КХДР билан назорат ўйинида ўйнаб, 3:1 ҳисобида имкониятни бой берган.
Ҳозирча Улуғбек Бақоев бошчилигидаги “Бухоро” футбол клубининг Шимолий Кореяга қарши ўтказадиган ўйин вақти маълум эмас, бироқ жамоалар ўзаро ўйин ўтказиш бўйича келишувга эришган.
Маълумот учун, Туркиядаги йиғин давомида “Бухоро”нинг “Балкани”, “Самгурали”, “Ленингратес” ва “Ордобаси” клубларига қарши назорат ўйинларида иштирок этиши белгиланган.
Live
Барчаси
