Британия Патриарх Кириллни санкциялар рўйхатига киритди

Олам

−

16 Июнь 2022 visibility3709 timer1 дақиқа

Буюк Британия Россия православ черкови раҳбари Патриарх Кириллга нисбатан санкциялар жорий қилди. Бу ҳақда Британия ҳукуматининг Матбуот хизмати пресс-релизида кўрсатиб ўтилган.

“Рус православ черкови раҳбари Патриарх Кирилл ҳам Украинадаги ҳарбий тажовузни қўллаб-қувватлагани учун санкциялар рўйхатига киритилган”, дейилади ҳужжатда.

Бундан ташқари, Лондон кенгайтирилган қора рўйхатга Президент ҳузуридаги болалар ҳуқуқлари бўйича комиссари Мария Львова-Белова, Москва шаҳар думаси депутати Сергей Савостьянов ва “Волга-Днепр” компаниялар гуруҳи директорлар кенгаши раҳбари Алексей Исайкинни ҳам киритган.

Эслатиб ўтамиз, май ойи охирида Европа Иттифоқи Кенгаши Патриарх Кириллни санкциялар рўйхатига киритмоқчи эди, аммо кейинроқ маълум бўлишича, ушбу қарор Венгрия томонидан блокланган.

Мақола муаллифи