Британия, Франция ва АҚШ Россиянинг Украинага айбловини қоралади

Буюк Британия ва Франция Ташқи ишлар вазирлари Жеймс Клеверли ва Кетрин Колонна ҳамда АҚШ Давлат котиби Энтони Блинкен ўз мамлакатлари Россиянинг Украина ўз тупроғида “ифлос бомба”ни қўллашга тайёрланаётгани ҳақидаги даъволарини рад этишини айтди.

“Мамлакатларимиз Россиянинг Украина ўз тупроғида “ифлос бомба” ишлатишга тайёрланаётгани ҳақидаги очиқ-ойдин ёлғон даъволарини барчамиз инкор этишимизни очиқ билдирди. Бутун дунё бу айбловни кучайиш учун баҳона сифатида тан олади”, дейилади Британия ҳукумати қўшма баёнотида.

Эслатиб ўтамиз, Шойгу кеча, 23 октябрь куни Буюк Британия Мудофаа вазири Бен Уоллес, Франция Мудофаа вазири Себастян Лекорну ва Туркия Мудофаа вазири Ҳулуси Акар билан телефон орқали мулоқот қилди. Россиялик вазир ўз ҳамкасбларига Украина томони “ифлос бомба” қўлланиши мумкинлигидан хавотир билдирди. Бундан ташқари, Шойгу 21 ва 23 октябрь кунлари Пентагон раҳбари Ллойд Остин билан телефонда гаплашган.