Бокс. Ўзбекистон қитъа биринчилигида яна бир йўқотишга учради
Спорт
−
04 Ноябрь 2022 7789
Иорданиянинг Амман шаҳрида бокс бўйича катталар ўртасида Осиё чемпионати баҳслари давом этмоқда. Тўртинчи кунги жангларда 5 нафар Ўзбекистон вакили рингга чиқиши кўзда тутилганди.
-71 кгда мамлакат шарафини ҳимоя қилаётган Ҳавасбек Асадуллаев ўз жангини ўтказишга улгурди. У илк тўқнашувида мўғулистонлик Отгонбаатар Бямба-Эрденега қарши рингга кўтарилди ва ҳакамлар қарорига кўра 2:3 ҳисобида мағлубиятга учради.
Маълумот учун, кечки дастурда яна 4 нафар Ўзбекистон вакили турнирдаги иштирокини бошлайди.
Эслатиб ўтамиз, Асадуллаевнинг мағлубияти Ўзбекистон жамоаси учун мусобақадаги иккинчи йўқотиш ҳисобланади. 3 ноябрь кунги баҳсларда қизлар жамоасидан -63 кг вазнда Ҳадичабону Абдуллаева рақибасига имкониятни бой берганди.
Live
Барчаси