Гутерриш дунё давлатларини навбатдаги пандемияга тайёрланишга чақирди

Бирлашган Миллатлар Ташкилоти Бош котиби ҳозирги пандемиядан сабоқ олишга ва келажакда шунга ўхшаш фавқулодда вазиятларга тайёр бўлишга чақирди. 27 декабрь – Халқаро эпидемияга қарши тайёргарлик куни муносабати билан қилган мурожаатида Гутерриш вирус бир неча миллион кишининг ҳаётига зомин бўлганини, касалланганлар сони эса юзлаб миллионларга етганини эслатди. 

Айрим иқтисодлар вайрон бўлди, соғлиқни сақлаш тизимлари оғир шароитда ишлади ва молиявий йўқотишлар триллионлаб АҚШ долларини ташкил этди. 

Барқарор ривожланиш мақсадларига эришишда режалаштирилган суръатлардан ортда қолиш кузатилмоқда. Шу билан бирга, ривожланаётган мамлакатлар, БМТ Бош котиби таъкидлаганидек, ўз ҳолига ташланди: уларга вакциналар, диагностика ва даволаш воситалари билан таъминлаш уялмай рад этилди. 

“COVID-19 инсоният дуч келадиган охирги эпидемия ёки пандемиядан узоқдир. Глобал ҳамжамият сифатида биз COVID-19  дан оғир сабоқ олишимиз ва пандемияга тайёргарлик кўриш, олдини олиш ва назорат қилиш учун кўпроқ маблағ сарфлашимиз керак”, дея қўшимча қилди БМТ раҳбари. 

Антониу Гутерришнинг сўзларига кўра, бугунги кунда юқори эпидемия салоҳиятига эга вирусларни аниқлаш ва уларнинг тарқалишини кузатиш учун ҳар қачонгидан ҳам самаралироқ эпидемиологик назорат механизмлари зарур. Бирлашган Миллатлар Ташкилоти раҳбари таъкидлаганидек, соғлиқни сақлаш тизимлари янада чидамли ва зарбаларга тайёр бўлиши керак, шу жумладан яхши ўқитилган, яхши жиҳозланган ва яхши маош оладиган тиббиёт ходимлари. 

“Шунингдек, биз барча мамлакатлар вакциналар, даволаш-диагностика ва ҳаётни сақлаб қолувчи технологиялардан тенг фойдаланиш имкониятига эга бўлишини таъминлашимиз керак”, дейди Бош котиб.  

Пандемияга қарши курашни алоҳида давлатлар даражасида олиб бориб бўлмаслигини таъкидлаган БМТ раҳбари бу курашда халқаро ҳамжамият ҳамжиҳатлик кўрсатиши кераклигини таъкидлади.  

“Бугун, Халқаро эпидемияга тайёргарлик куни сифатида мен барча мамлакатларни дунё ҳамжамиятини саломатлик билан боғлиқ бўлажак муаммоларга қарши туришга тайёр бўлиши учун саъй-ҳаракатларимизни қўллаб-қувватлашга чақираман”, дейди Гутерриш.