Блинкенни танқид қилган журналист залдан судраб чиқарилди (видео)

Жоирй йилнинг 16 январь куни Энтони Блинкеннинг АҚШ Давлат котиби сифатидаги якуний брифингида хонадаги айрим ОАВ ходимлари дипломатга норозилик билдирган ва уни “геноцид қилган одам” деб атаган икки журналист хонадан мажбуран олиб чиқиб кетилди.

“300 оммавий ахборот воситалари ходимлари Ғазо секторидаги ўққа тутилган зарбалар нишонига айланган. Май ойида келишувимиз бор эди, буни ҳаммамиз билардик. Тони, сиз бомбалар оқимини тўхтата олмадингиз. "Нима учун сиз сионизмга содиқлигингиз учун қоидаларга асосланган тартибни қурбон қилдингиз?", деб сўради америкалик журналист Макс Блументал.

Ходимлар ундан биноларни тарк этишни талаб қилишди. Америкалик журналист Сэм Ҳусайнийни эса полициячилар  куч билан ўтирган жойидан судраб турғизиб, хонадан кўтариб олиб чиқиб кетишган.

“Қўлингни мендан, қўлингни мендан торт. Шу ерда жим ўтирардим, ҳозир икки-уч киши мени ушлаб туришибди. Сиз эса матбуот эркинлиги ҳақида гапирасиз. Сен мени хафа қилдинг, менга зарар етказяпсан. Халқаро ҳамжамиятдан тортиб, Халқаро жиноий судгача ҳамма сиз геноцид ва дискриминация қилганингизни айтди. Сиз айбдорсиз. Нега Гаагада эмассиз?” деб қичқирди Ҳусайний уни суд залидан олиб чиқиб кетишаётганда.

“Чегара билмас мухбирлар” халқаро ноҳукумат ташкилоти журналист журналистлар билан содир бўлган бундай хунук воқеадан ҳайратга тушганини билдирди.

“Журналистларга нисбатан бундай муносабат ҳеч қандай маъмурият учун қабул қилиниши мумкин эмас ва бу прецедентга айланмаслиги керак. Ҳусайний ўз ишини муаммосиз бажариши керак”, дейилади ташкилот баёнотида.