“Барселона” “Реал”га рақиб эмас – Анчелотти Ла лига чемпионлиги ҳақида
Спорт
−
18 Декабрь 2021
5498Мадриднинг “Реал” клуби бош мураббийи Карло Анчелотти Испания чемпионатидаги чемпионлик учун кураш ҳақида гапирди.
“Энди “Барселона” Испания чемпионатидаги бевосита рақибимиз эмас, чунки бошқа жамоалар бизга яқинроқ. Аммо улар ўсиш учун имкониятга эга. Агар мен “Барса” мураббийи бўлганимда, Хавининг йўлидан юрган бўлардим”, дейди Анчелотти “Marca” нашрига берган интервьюсида.
Бундан аввал “кўк-анорранглилар” бош мураббийи Хави Испания чемпионатида ғалаба қозониш имконияти сақланиб қолгани ҳақида айтиб ўтган эди.
Маълумот учун, “Реал Мадрид” 17 ўйинда 42 очко тўплаган ҳолда Испания Ла лигасида 1-ўринни эгаллаб турибди. 8-ўриндаги “Барселона” эса 16 ўйинда 24 очко жамғарган. Ўтган йилги чемпион “Атлетико Мадрид” ҳисобланади.