“Барселона” Эрлинг Холандни хайратда қодирди

“Барселона”нинг “Реал Мадрид” устидан қозонган 4-0 ҳисобидаги ғалабаси “Боруссия Дортмунд” ҳужумчиси Эрлинг Холандни ҳайратда қолдирди. Бу ҳақда “Мundо Deportivo” нашри хабар берди.

“Барселона” ва “Реал Мадрид” ўртасидаги (4-0) учрашув норвегиялик футболчи “кўк анорранглилар” устози Хави билан учрашганидан уч ҳафта ўтиб бўлиб ўтди. Холанд билдики, унга Хавининг “Барселона” ҳақида айтган гаплари кўпиртирилган уйдирма эмас. Эрлинг “Эл-класико”ни кузатиш орқали бунга амин бўлди

Натижада, Эрлинг Холанд “Манчестер Сити”дан келган таклифни қабул қилишга шошилмаяпти. Сабаби Холандда янги клуб танлаш учун кучли иккиланиш пайдо бўлган. Бу ҳақда “Барселона” раҳбарияти ҳам хабар топган.

Бироқ Каталония клуби Холанднинг трансфери жуда мураккаб жараён эканлигини тушуниб турибди. Бу трансфер Холанд ва унинг атрофидагилар молиявий талабларни пасайтирсагина амалга ошади. Акс ҳолда, Холандни сотиб олиш учун “Барселона”нинг қурби етмайди

Маълумот ўрнида, Норвегиялик футболчи жорий мавсумда “Боруссия” сафида 23 та ўйинда 23 та гол урди ва 5 та голли узатмани амалга оширди. “Тransfermarkt” портали Эрлинг Холандни 150 миллион еврога баҳоламоқда.

Маъруф Абдумаликов