“Барселона” “Эль-Класико”да юбилей ғалабага эришди

Спорт

−

20 Март 2023 visibility3894 timer1 дақиқа

Испания Ла Лигасининг навбатдаги тури доирасида “Барселона” “Реал”ни мағлуб этди. Шу тариқа, “кўк-анорранглилар” “Эль-Класико” учрашувлари тарихидаги 100-ғалабасини қўлга киритди. Каталония клуби “Реал”га қарши баҳсларда 101 марта мағлуб бўлган, 52 учрашув дуранг билан якунланган.

20 мартга ўтар кечаси Ла лиганинг 26-тур ўйинида “Барселона” ўз майдонида “Реал”ни қабул қилди. Бош ҳакам Рикардо Де Бургос бошқариб борган ўйинда ҳал қилувчи гол ярим ҳимоячи Франк Кесси томонидан киритилди. Учрашув “кўк-анорранглилар”нинг 2:1 ҳисобидаги ғалабаси билан якунланди.

Кейинги турда “Барселона” “Эльче” (1 апрель), “Реал” эса “Вальядолид (2 апрель) билан баҳс олиб боради.

Мақола муаллифи