“Барселона” англиялик ҳимоячини кузатмоқда

“Барселона” футболчиси Иньиго Мартинес “Ал-Наср”га ўтганидан сўнг янги марказий ҳимоячи излашни бошлаган. Клуб “Кристал Пэлас” ҳимоячиси Марк Гехини жиддий равишда кузатмоқда. Бу ҳақда журналист Адриа Албетсга тайиниб, “Footboom” нашри хабар берди.

Каталонияликлар футболчининг маҳоратини юқори баҳолаган. Унинг шартномаси 2026 йилда якунланиши эса январь ойида музокара бошлашни осонлаштириши мумкин. Англиялик ҳимоячи учун “Барселона”дан ташқари “Ливерпуль” ва “Бавария” ҳам кураш олиб бормоқда.
 
Манбаларга кўра, футболчи ўз келажагини қайта кўриб чиқмоқчи ва барча вариантларни кўриб чиқишга тайёр. Гехи якуний қарорни келаси ёзда қабул қилишни режалаштирмоқда ва чет эл вариантларини жиддий кўриб чиқмоқчи. Маълумотларга кўра, “Бавария” футболчи вакиллари билан дастлабки суҳбатларда сезиларли устунликка эришган.

Маълумот учун, Гехи 2021 йилда “Челси”дан “Кристал Пэлас”га ўтган ва ўша пайтдан бери Премьер-лиганинг энг барқарор ва ишончли ҳимоячиларидан бирига айланган. У жорий мавсумда 18 та ўйинда майдонга тушиб, 1 та гол урган ва 3 та голли узатмани амалга оширган.