Асаубаева Норвегияда ўтказилаётган турнирда ғолиб бўлди

Кеча, 4 июнь куни қозоғистонлик шахматчи Бибисора Асаубаева Норвегияда ўтказилаётган нуфузли “Norwegian Chess” аёллар турнирида ғолиб бўлди. Бу ҳақда “Nur.kz” хабар берди.

Мусобақанинг тўққизинчи турида Асаубаева украиналик Анна Музичукга қарши баҳс олиб борди. Ўйин дуранг билан якунланди, бироқ ушбу натижа ҳам қозоғистонлик шахматчига мусобақа тугашига бир тур қолганда биринчи ўринни таъминлаш учун етарли бўлди.

Якуний босқичга қадар Бибисора 16,5 очко билан умумий жадвалда пешқадамлик қилмоқда. Унинг энг яқин таъқибчиси Анна Музичук 11,5 очко тўплаган. Кейинги ўринларда ҳиндистонлик шахматчи Дивя Дешмух ва хитойлик Чжу Цзиньэр 10 очкодан тўплашди.

Шу тариқа, якуний тур натижаларидан қатъи назар, Асаубаева рақиблари ундан ўзиб кетиб бўлмас даражага чиқди ва нуфузли шахмат турнири ғолиблигини муддатидан олдин қўлга киритди.

Якуний босқичда қозоғистонлик шахматчи мусобақа чемпиони сифатида партия ўтказади.