“Арсенал” Альварес учун қанча тўламоқчилиги аниқ бўлди

Лондоннинг “Арсенал” клуби Мадриднинг “Атлетико” жамоаси ҳужумчиси Хулиан Альварес трансфери бўйича музокараларни имкон қадар тезроқ якунлашни мақсад қилган. Бу ҳақда “The Independent” нашри хабар берди.

Манбага кўра, “канонирлар” мавсумолди йиғини бошланишидан олдин келишувга эришишга умид қилмоқда. Клуб аргентиналик ҳужумчи учун 105 миллион евро тўлашга тайёр.

Қайд этилишича, “Арсенал” номидан музокараларни клубнинг спорт директори, илгари “Атлетико”да фаолият юритган Андреа Берта олиб бормоқда.

Аввалроқ, Хулиан Альварес Испанияда қолиш истагини билдирган эди. Унинг вазиятини “Барселона” ва “Реал Мадрид” ҳам кузатиб борган. Бироқ мадридликлар тўғридан-тўғри рақобатчиларини кучайтириш ниятида эмас. Шунингдек, ПСЖ ҳам футболчига қизиқиш билдирмоқда.

Хабар қилинишича, Альварес жорий трансфер ойнасида “Арсенал” ҳужум чизиғини кучайтириш учун асосий номзод ҳисобланади.

Маълумот учун, “Атлетико” ўтган ёзда 26 ёшли аргентиналик ҳужумчини “Манчестер Сити”дан 75 миллион еврога харид қилган эди. Альварес 2025-2026 йилги мавсумда барча мусобақаларда 49 та учрашувда майдонга тушиб, 20 та гол урди ва 9 та голли узатмани амалга оширди.