Apple ҳам букланадиган iPhone ишлаб чиқаришни бошлаши мумкин  

Apple компанияси 2026 йилнинг иккинчи ярмида ўзининг биринчи йиғиладиган iPhone телефонини тақдим этиши кутилмоқда. Бу ҳақда “India Today” нашри хабар берди.

Бундай смартфонлар ишлаб чиқариш компания учун муҳим босқич бўлади. Чунки у тез ўсиб бораётган букиладиган смартфонлар бозорига инновациялар ва сифат учун янги стандартларни олиб кириши мумкин.

Сўнгги бир неча йил ичида Samsung, Huawei ва Motorola каби компаниялар томонидан букланадиган смартфонлар бозори барқарор ўсган. Агар Apple’нинг букланадиган iPhone’и чиқарилса, у йиғиладиган смартфонлар бозорига сезиларли таъсир кўрсатиши кутилмоқда. Apple’нинг бундай смартфонлар бозорига кириши рақобатни кучайтириб, букилувчи смартфонлар чидамлилигини оширишга мажбур қилади.

Букланадиган қурилма кучли чип, юқори сифатли камералар ва Apple’нинг замонавий дизайни хусусиятларига эга бўлиши кутилмоқда. Бундан ташқари, қурилма Apple’нинг iOS тизимини қўллаб-қувватлаши мумкин, бу iCloud, Apple Music ва Apple Pay каби Apple маҳсулотлари ва хизматларидан узлуксиз фойдаланиш имконини беради.

Букилувчан iPhone шундай қурилмаларга талабни ошириши мумкин бўлса-да, ҳақиқий савол шундаки, у ўз рақобатчиларининг траекториясини қанчалик ўзгартира олади. Жавобни фақат вақт кўрсатади.

Эслатиб ўтамиз, 9 сентябрь куни It’s Glowtime тақдимоти доирасида Apple янги смартфонлар – iPhone 16 ва iPhone 16 Plus билан бирга юбилей Watch 10, AirPods 4 ва AirPods Max’ни тақдим этганди.

Диёржон Қувондиқов