АПЛ ўйинларида Пеле шарафига бир дақиқа қарсак чалинади

Спорт

−

30 Декабрь 2022 visibility3668

Англия Премьер-лигасининг 2022 йил 30 декабрдан 2023 йил 1 январгача бўлган барча ўйинларида бразилиялик футболчи Пеле хотираси учун бир дақиқа қарсак чалинади. Бу ҳақда АПЛ ўз саҳифасида маълум қилди.

Махсус тадбир келаётган дам олиш кунлари бўлиб ўтадиган ҳар бир ўйиннинг старт ҳуштаги чалинишидан олдин Премьер-лига стадионларида ўтказилади. Барча футболчи ва мураббийлар мотам бандажлари билан стадионга чиқади.

Пеле кеча, 29 декабрь куни 82 ёшида вафот этди. Пеле сўнгги бир неча йил давомида саратон билан курашаётган эди.

Бугун, 30 декабрь куни АПЛнинг иккита ўйини бўлиб ўтади. "Вест Хем" "Брентфорд" билан, "Ливерпуль" "Лестер" билан куч синашади.

Мақола муаллифи