Андижонда ўнга яқин автомобиль иштирокида йирик ЙТҲ юз берди

3-саҳифа

−

19 декабр 2022 visibility9016 timer1 дақиқа

Андижонда 10 га яқин машиналар иштирокида йўл-транспорт ҳодисаси содир бўлди. Бу ҳақда Андижон вилояти ИИБ матбуот хизмати хабар берди.

Ҳодиса бугун, 19 декабрь куни Андижон вилояти Асака тумани ҳудудидан ўтган А-373 халқаро аҳамиятга эга бўлган йўлнинг 420 километрида содир бўлган. Унда 8 та автомобиль тўқнашуви қайд этилган. ЙТҲга қуюқ туман тушиши ҳамда йўл музлагани сабаб бўлгани айтилмоқда.

Йўл-транспорт ҳодисаси оқибатида фуқаролар тан жароҳати олмаган. Бироқ, автотранспорт воситалари техник шикастланган.

Ҳозирда Асака тумани йўл харакати хавфсизлиги гуруҳи томонидан суриштирув ҳаракатлари олиб борилмоқда.

Озода Чориева

Мақола муаллифи