Америкалик шарҳловчи Аргентина ва Нидерландия ўйини вақтида вафот этди

Кеча, 9 декабрь куни Америкалик футбол шарҳловчиси Грант Валь Қатарда бўлиб ўтаётган футбол бўйича Жаҳон чемпионати чорак финалидан ўрин олган Аргентина ва Нидерландия ўртасидаги баҳсни ёритаётганда вафот этган. Бу ҳақда Америка Миллий Жамоатчилик Радиоси (National Public Radio, NPR) мухбири Рассел Льюис Тwitter'даги саҳифасида маълум қилди.

“NRP'нинг узоқ йиллик футбол шарҳловчиси Грант Валнинг ўлимини тасдиқлаши мумкин. У Доҳада Аргентина ва Голландия ўртасидаги Жаҳон чемпионати чорак финаль учрашувини ёритиб бораётганда вафот этди”, деб ёзган Льюис.

Марҳумнинг акаси укасининг соғлиги яхши бўлганини айтган. Унинг фикрича, укасининг ўлимига ташқаридан нимадир сабабчи бўлган.

АҚШ футбол федерацияси аллақачон ҳамдардлик билдирган.

Маълумот учун, Аргентина ва Нидерландия ўртасидаги учрашувнинг асосий вақти 2:2 ҳисобида якунланган. Пенальтилар сериясида жанубий америкаликлар 4:3 ҳисобида ғалаба қозонди.

Бугун, 10 декабрь куни мундиалнинг чорак финал баҳслари давом эттирилади. Португалия Марокаш билан куч синашса, Франция Англия билан баҳслашади.