Альварес Форлан ва Гризманнинг натижасини такрорлади

Мадриднинг “Реал” клубига қарши Европа Чемпионлар лигасининг (ЕЧЛ) 1/8 финалидаги илк дербида гол урган “Атлетико Мадрид”нинг аргентиналик ҳужумчиси Хулиан Альварес XXI асрда “қироллик клуби”га қарши 2 та турнирда гол урган “Атлетико” футболчиларидан бирига айланди. Бу ҳақда “Opta Sport” хабар берди.

Манбага кўра, Альварес “Реал Мадрид” билан “Сантьяго Бернабеу”да XXI асрда барча мусобақаларда кетма-кет икки дербида гол урган учинчи “Атлетико” футболчиси бўлган. Бунгача худди шундай натижага уругвайлик ҳужумчи Диего Форлан 2010 йилда ва франциялик Антуан Гризманн 2017 йилда эришган.

“Реал” ва “Атлетико” ўртасидаги ЕЧЛнинг 1/8 финали доирасидаги биринчи учрашув 2:1 ҳисобида “қаймоқранглилар” фойдасига ҳал бўлди.

Маълумот учун, 25 ёшли Альварес ўтган ёзда “Манчестер Сити”дан “матрасчилар” сафига келиб қўшилган эди. Жорий мавсумда аргентиналик футболчи барча турнирларда 41 та ўйин ўтказиб, 22 та гол урди ва 5 та голли узатмани амалга оширди. Футболчининг клуб билан амалдаги шартномаси 2030 йилнинг ёзига қадар тузилган. “Transfermarkt” порталида берилган маълумотларга кўра, футболчининг бозор қиймати 80 миллион еврони ташкил қилади.