“Ал-Наср” легионерлар муаммосини ҳал қилди. Машарипов клубда қоладими?
Спорт
−
06 Январь 2023 20252
Саудия Арабистонининг "Ал-Наср" клуби легионерлар лимити билан боғлиқ муаммони ҳал қилди. Бу ҳақда журналист Руд Галетти ўз саҳифасида маълум қилди.
Манбага кўра, "Ал-Наср" камерунлик ҳужумчи Венсан Абубакарни қайдномадан чиқариб, унинг ўрнига португалиялик ҳужумчи Криштиану Роналдуни рўйхатдан ўтказган. Шундай қилиб, Риёд клуби 8 нафар хорижлик легионер учун лимит талабини бажарди.
Жамоадаги легионерлар:
Дарвозабон – Давид Оспина (Колумбия);
Ҳимоячилар – Алваро Гонсалес (Испания), Гислен Конан (Кот-д'Ивуар);
Ярим ҳимоячилар – Гонсало Мартинес (Аргентина), Луис Густаво ва Андерсон Талиска (иккиси Бразилия);
Вингер – Жалолиддин Машарипов (Ўзбекистон);
Ҳужумчи – Криштиану Роналду (Португалия).
Эслатиб ўтамиз, ОАВда Роналду келгач, ўзбекистонлик футболчи Жалолиддин Машарипов "Ал-Наср"ни тарк этиши ҳақида хабарлар тарқалганди.
Live
Барчаси
