АҚШ космосга Украинадаги урушнинг сифатли тасвирини олиш учун ракета жўнатди 

Кеча, 1 июль куни Американинг “United Launch Alliance” компанияси космосга юқоридан Украинадаги жанг майдонининг юқори сифатли тасвирини олиш учун иккита сунъий йўлдошга эга Atlas V ракетасини учирди. Бу ҳақда компания веб-сайтида маълум қилинган. 

Қайд этилишича, “Энергомаш” (Роскосмоснинг бир қисми) томонидан ишлаб чиқилган, Россиянинг РД-180 двигатели билан жиҳозланган ракета Канаверал бурнидаги (Флорида) космодромдан АҚШнинг Шарқий қирғоғи вақти билан соат 19:15 да учирилган. 

Дастлаб, ракетани учириш жорий йилнинг 30 июнь куни бўлиб ўтиши керак эди, бироқ булутли ва яқинлашиб келаётган момақалдироқ туфайли жараён бир кунга кечиктирилган.

Ракета бортида иккита қурилма мавжуд бўлиб, улардан бири –  WFOV сунъий йўлдоши инфрақизил датчик билан жиҳозланган ва АҚШ ҳарбийларига жанг майдонининг юқори сифатли тасвирини олишга имкон беради. 

USSF-12 Ring деб номланган иккинчи қурилманинг мақсади фақатгина келажак технологияларини намойиш қилиш. Иккала сунъий йўлдош ҳам экватордан тахминан 36 000 километр баландликда геостационар орбитада бўлади.