АҚШ 130 та давлат билан тарифлар бўйича музокара олиб бормоқда

north_east

Трамп савдо урушида тўсиққа учради. Хитой ён беришни истамаяпти

130 давлат АҚШ маъмурияти билан боғланиб, тарифлар бўйича музокаралар олиб бориш истагини билдирди. АҚШ аллақачон улар билан музокараларни бошлаган. Бу ҳақда Оқ уй Миллий иқтисодий кенгаши директори Кевин Ҳассет CNN телеканалига берган интервьюсида маълум қилди.

“Хитой билан боғлиқ жараён бор. У бошланғич босқичида”, деди Ҳассетт .

Кеча, 13 апрель куни АҚШ Савдо вазири Говард Лутник ҳам АҚШ Хитой билан савдо алоқалари бўйича воситачилар орқали “юмшоқ мулоқот” бошлаганини эълон қилди.

9 апрель куни АҚШ Президенти Дональд Трамп 75 дан ортиқ давлатга тарифлар жорий этишни 90 кунга қолдирди. Бунга жавобан Европа Иттифоқи Қўшма Штатларга қарши қарши чоралар қўллашни тўхтатди. Еврокомиссия раҳбари Урсула фон дер Ляйен ЕИ Трамп билан музокаралар ўтказиш имкониятини бермоқчи эканини аниқлади. Хитой товарларига божлар 145% гача оширилди.

Эслатиб ўтамиз, 11 апрель куни Трампнинг савдо бўйича маслаҳатчиси Питер Наварро АҚШ Президенти маъмурияти 90 кун ичида 90 та савдо битими тузмоқчи экани – 75 дан ортиқ давлатга нисбатан оширилган тарифларни жорий этиш шу вақтгача қолдирилганини маълум қилганди.