Аграр университетининг тўртинчи филиали очилади

Тошкент давлат аграр университетини 2030 йилгача бўлган инновацион ривожланиш стратегиясини амалга ошириш бўйича 2020 йилга мўлжалланган “Йўл харитаси” лойиҳаси эълон қилинди.

Қайд этилишича, республика ҳудудларини ижтимоий-иқтисодий ривожлантириш дастурларида белгиланган вазифалар ҳамда ёшларни олий таълим қамровини ошириш мақсадида “Тошкент давлат аграр университетининг Самарқанд филиали”ни ташкил этиш кўзда тутилмоқда.

Бунда Самарқанд филиалида ташкил этиладиган таълим йўналишлари ва мутахассисликларининг ўқув-услубий таъминотини яратиш режалаштирилмоқда.

Шунингдек, 2020/2021 ўқув йилидан Филиал фаолиятини йўлга қўйиш ҳамда малакали илмий-педагогик кадрлар билан тўлдириш назарда тутилган.

Масъул ижрочилар - проректорлар (С.Исломов, К.Султонов, И.Исроилов, А.Абдувосиқов, Ш.Сатторов).

Маълумот учун, бугунги кунда Тошкент давлат аграр университетининг Нукус, Термиз, Андижон шаҳарларида филиаллари очилган.