31 июль Қурбон ҳайитининг биринчи куни бўлади – Мусулмонлар идораси
Жамият
−
21 Июль 2020 11913
Ўзбекистонда Қурбон ҳайити жорий йилнинг 31 июль куни нишонланиши мумкин. Бу ҳақда Мусулмон идораси хабар берди.
Идоранинг маълум қилишича, Миср Араб Республикасидаги “Дорул Ифто” фатво ҳайъати томонидан ҳижрий 1441 йил Зулҳижжа ойининг биринчи куни милодий йил ҳисоб бўйича 2020 йил 22 июль кунига тўғри келаётгани эълон қилинди. Шу муносабат билан Саудия Арабистонида Ҳаж ибодатини адо этаётганлар чекланган ададдаги маҳаллий зиёратчилар 2020 йил 30 июль, арафа куни Арафот тоғида жам бўладилар.
“2020 йил 31 июль, жума куни эса Зулҳижжа ойининг 10-куни бўлиб, Ислом оламидаги энг улуғ байрам Ийдул-Азҳо – Қурбон ҳайитининг биринчи куни бўлади, инша Аллоҳ”, дейилади хабарда.
Эслатиб ўтамиз, Ўзбекистонда Рамазон ҳайити жорий йилнинг 24 май куни нишонланганди.
