Фил хартумидаги қиз, шер бағридаги йигит! Инсоннинг ёввойи ҳайвонлар билан учрашуви (фоторепортаж)

Ҳеч ёввойи ҳайвонлар дунёси вакиллари билан учрашишни тасаввур қилганмисиз? Арслон билан қучоқлашиш, бўри билан овқатланиш-у филнинг хартумида юришни-чи? Ольга Баранцева, Робин Шварц, Катерина Плотникова каби бир қанча фотографлар инсоннинг ёввойи дунё вакиллари билан учрашувини кадрларга муҳрлаган. QALAMPIR.UZ сизга айнан мана шундай ажойиб ва қизиқ кадрларни тақдим этади.

Америкалик актёр Кевин Ричардсон маълум вақт шерлар билан яшаган. Ҳаттоки Кевин уларнинг ёнида ухлаган, улар билан бирга озиқланган, чўмилган.

Бу америкалик қиз Амелия. У фотограф Робин Шварцнинг қизи. Амелия отаси билан бирга филлар, йўлбарслар ва бошқа кўплаб ёввойи ҳайвонот дунёснинг вакиллари билан учрашган. Шварцнинг сўзларига кўра, қизи ҳар бир ҳайвон билан яхши алоқага кириша олган.

Швейцариялик Дин Африкадаги ҳайвонларни қутқариш учун ўзининг нуфузли ишидан воз кечган. Ҳозирда Дин браконьерлардан зарар кўрган ёввойи ҳайвонларни парвариш қилади.

Таиландлик волонтёрлар филларга ёрдам бериш учун алоҳида гуруҳ тузган. Гуруҳ вакиллари филларни овқатлантиради, даволайди, саломатлигига қарайди.

Ҳайвонлар билан selfie тушиш кўплаб ижтимоий тармоқ фойдаланувчиларининг орзусидир. "Ҳайвонларнинг сеҳргари" дея таърифланадиган Аллан Дихон бу орзуларни аллақачон амалга ошишига муваффақ бўлган. У дунё бўйлаб саёҳат қилади ва турли хил ҳайвонлар билан бир-биридан ажойиб selfie'лар тушади.

Қуйида эса Ольга Баранцевадан ёввойи ҳайвонлар билан олинган ажойиб суратлар. Одатда фотограф суратга олиш учун энг ноодатий моделлардан фойдаланади яъни у ҳақиқий ёввойи ҳайвонлар билан ишлайди. Ольга Баранцева ўзининг суратларида табиат билан инсон бирлигини кўрсатадиган сеҳрли композисиялар яратган.

Москвалик фотограф Катерина Плотникованинг асарлари томошабинларда унутилмас таассурот қолдиради. Бугун сизга унинг ижодидан тақдим этаётган суратларимизда қизлар қўрқмасдан бўрилар, айиқлар ва тулкилар билан қучоқлашгани акс этган.