Украина хавфсизлик хизмати генерали жосусликда айбланди

World

−

14 April 2020 visibility9929 timer1 minute

Украина хавфсизлик хизмати (УХХ) ўз ходимини давлатга хиёнат қилганликда айблаб ҳибсга олди. Бу ҳақда ташкилотнинг Facebook'даги саҳифасида хабар берилди.

Генерал-майор Валерий Шайтанов Россия махсус хизматларида ишлаганликда ва террорчилик ҳаракатларини содир этганликда гумон қилинмоқда. УХХ унинг айбдорлигини исботловчи музокаралар аудиоёзувини эълон қилган.

“УХХ генерал-майор Шайтанов Россия Федерацияси ФХХ агенти эканлиги тўғрисида етарли далилларни тўплади”, дейилади ташкилот саҳифасида.

Шайтановга нисбатан хиёнат ва Украина Жиноят кодексининг террорчилик ҳаракати моддалари бўйича айблов эълон қилинган.

Author