Ҳиндистонда жорий йилда парранда гриппидан биринчи ўлим қайд этилди

Олам

image

Ҳиндистонда жорий йилда илк бор парранда гриппидан ўлим қайд этилди: 11 ёшли бола вафот этди. Бу ҳақда “Indian Express” нашри Бутунҳиндистон тиббиёт фанлари институтидаги манбасига асосланиб хабар берган.  

Таъкидланишича, бола шифохонага шу ойнинг бошида етказилган, у икки ҳафтадан кўпроқ муолажа олган ва кеча, 20 июль куни вафот этган. 

Қайд этилишича, бола билан алоқада бўлган клиника ходимлари ҳозирда изоляцияда. 

Маълумотларга кўра, бунгача Хитойнинг жануби-ғарбий қисмида жойлашган Сичуань провинциясида ҳам одам H5N6 парранда гриппи вирусини юқтирган. 

Вирус юқтирган бемор Бачжун шаҳрининг 55 ёшли фуқароси бўлган. Жорий йилнинг 30 июнь куни эркакнинг ҳарорати кескин кўтарилган, у 4 июль куни шифохонага ётқизилган ва икки кундан кейин маҳаллий соғлиқни сақлаш ходимлари унинг H5N6 вирусини юқтирганини тасдиқлаган.


Мақола муаллифи

Теглар

Ҳиндистон парранда гриппи

Баҳолаганлар

10

Рейтинг

2.9

Мақолага баҳо беринг

Дўстларингиз билан улашинг