Ҳиндистонда трактор ағдарилиши оқибатида 22 киши ҳалок бўлди
Олам
−
24 Февраль 6159
Ҳиндистоннинг Уттаракханд штатида трактор билан юз берган йўл-транспорт ҳодисасида 22 киши ҳалок бўлди, 18 нафар шахс жароҳатланди. Бу ҳақда “Live Hindustan” хабар берди.
Аниқлик киритилишича, бахтсиз ҳодиса 45 нафарга яқин аҳоли байрам муносабати билан Ганг дарёсига зиёрат қилиш учун трактор тиркамасида кетаётган вақтда юз берган.
Трактор ҳайдовчиси қаршисида келаётган автомобиль билан тўқнашиб кетишдан қочишга уринган, оқибатида трактор йўлдан чиқиб кетган ва тиркамаси билан бирга йўл четидаги ҳовузга ағдарилиб кетган.
Оқибатда 22 киши ҳалок бўлган, уларнинг 7 нафари болалар. Жабрланган 18 киши шифохонага ётқизилган. Воқеа жойида ғаввослар уч кишини қидиришда давом этмоқда.
