Ҳиндистонда девор қулаши оқибатида 16 киши ҳалок бўлди

Олам

−

29 июн 2019 visibility4742 timer1 дақиқа

Ҳиндистоннинг Пуна шаҳрида қурилиш шаҳарчасида 23 метр баландликдаги девор қулаб тушган. Натижада 16 киши воқеа жойида ҳалок бўлган. Ҳодиса содир бўлган ҳудудда қутқарув ва ёнғин хизмати ходимлари фаолият олиб бормоқда.

Ишчилар ётиб турадиган вақтинчалик бошпаналар атрофидаги кўп қаватли уйларнинг атрофини ўраган девор қурилиш давом этаётган вақтда қулаган. Девор қулашига кузатилаётган кучли муссон ёмғирлари сабаб бўлган.

Қидирув-қутқарув ишлари давом этмоқда. Қулаб тушган девор остида яна бир қанча ишчилар қолиб кетганлиги тахмин қилинмоқда.

Мақола муаллифи