“Ҳазил эди”. Трамп UFC раҳбарига берган таклифи ҳақида гапирди

АҚШ Президенти Дональд Трамп UFC раҳбари Дана Уайтга Оқ уй матбуот котиби бўлиш ҳақидаги таклифи ҳазил бўлганини айтди. Бу ҳақда у журналистларга маълум қилди.

“Албатта, мен ҳазиллашдим”, дейди Трамп журналистларга.

Аввалроқ, Трамп ўзининг Truth Social ижтимоий тармоғида Уайтни Оқ уйнинг янги матбуот котиби этиб тайинлашни, жангчилар Ислом Махачев ва Хабиб Нурмагомедовни эса унинг ёрдамчилари қилишни таклиф қилган эди.

Кейинчалик “The Washington” Post нашри Трампнинг таклифи ҳазил тариқасида билдирилганини маълум қилган.

Эслатиб ўтамиз, Оқ уйнинг аввалги матбуот котиби Кэти Закария ушбу лавозимда атиги беш кун ишлаган. У илк матбуот анжуманидаги муваффақиятсиз чиқиши ва адвокатлик лицензияси билан боғлиқ можародан сўнг ишдан бўшатилган.

Трамп бундан аввал Каролин Левитт иккинчи фарзанди туғилганидан кейин оиласига кўпроқ вақт ажратиш мақсадида бир ярим йиллик фаолиятидан сўнг лавозимни тарк этгани сабабли матбуот котибини алмаштирган.