Ҳарри Кейн “Бавария” билан шартномасини узайтирди
Спорт
−
14:48 320 1 дақиқа
2026 йилги “Олтин тўп” соҳиби Ҳарри Кейн “Бавария” билан шартномасини узайтирди. Бу ҳақда клуб матбуот хизмати хабар берди.
Мюнхен жамоасининг 33 ёшли ҳужумчиси билан янги келишуви 2029 йил 30 июнга қадар амал қилади.
Кейн “Бавария”га 2023 йилда Англиянинг “Тоттенхэм” клубидан ўтган. У Германия жамоаси сафида икки марта мамлакат чемпионлиги, икки марта Германия Суперкубоги ва бир марта Германия кубогини қўлга киритди.
Англия терма жамоаси сардори ва энг яхши тўпурари миллий жамоа сафида 125 та учрашувда 91 та гол урган. Шунингдек, у 2026 йилги Жаҳон чемпионатида бронза медалига эга бўлган.
Эслатиб ўтамиз, жорий йилнинг 26 октябрь куни Кейн ўтган мавсумнинг энг яхши футболчиси сифатида “Олтин тўп”ни қабул қилиб олди. Англиялик футболчи 2025-2026 йилги мавсумнинг энг яхши тўпурари бўлган. Терма жамоадаги ўйинларини ҳам ҳисобга олганда, у 65 та учрашувда 73 та гол урган.
Live
Барчаси
