Zoyir Mirzayev Yunusoboddagi fojia qurbonlari oilasiga hamdardlik bildirdi

Toshkent metropoliteni Yunusobod yo‘lining yangi qurilayotgan qismida yuz bergan baxtsiz hodisada vafot etgan olti nafar quruvchining to‘rt nafari Qashqadaryo viloyatidan bo‘lgani haqida ma’lum qilinmoqda.

Bular:

1. Diyarov Anvar Normuratovich – 1986 yilda Yakkabog‘ tumanida tug‘ilgan.

2. Abdullayev Oybek Turayevich – 1989 yilda Shahrisabz tumani, Beshkapa qishlog‘ida tug‘ilgan.

3. Ravshanov Jonibek Islomovich – 1989 yilda Shahrisabz tumani, Beshkapa qishlog‘ida tug‘ilgan.

4. Abdullayev Davronbek Botir o‘g‘li – 1999 yilda Shahrisabz tumani, Beshkapa qishlog‘ida tug‘ilgan.

“19 dekabr kuni viloyat hokimi vazifasini bajaruvchi Zoyir Mirzayev va boshqa rahbarlar marhumlarning oilalarida bo‘lib, yaqinlari va oila a’zolariga hamdardlik bildirishdi”, - deya xabar qilgan viloyat hokimligi matbuot xizmati.

Ta’kidlanishicha, hukumat komissiyasi tomonidan jabrlanganlar va ularning oila a’zolariga barcha zarur moddiy va ma’naviy yordam ko‘rsatish choralari ko‘rilmoqda.