Жошуа ва Усик билан албатта жанг қиламан – Баҳодир Жалолов

Ўзбекистонлик профессионал боксчи Баҳодир Жалолов супероғир вазн тоифасининг машҳур боксчилари Александр Усик ва Энтони Жошуа билан ҳозир ҳам жанг ўтказишга тайёрлигини билдирди. Бу ҳақда спортчи QALAMPIR.UZ’га берган интервьюсида айтиб ўтди.

“Тан оламан, Усик ҳам, Жошуа ҳам мендан кўра тажрибали боксчи ҳисобланади, лекин ҳозирги ҳолатимда машғулот қилиб турсам Жошуа билан жанг қила оламан. Усик билан ҳам жанг қиламан. Промоутерларим менга қайси боксчини таклиф қилса, ҳозироқ рингга чиқишга тайёрман. Тақдиримга ёзилган бўлса, юқорида айтиб ўтилган боксчиларга қарши рингга чиқаман ва уларни мағлуб этаман”, дейди Жалолов.

Маълумот учун, айни вақтда Баҳодир Жалолов Бутунжаҳон бокс кенгаши (WBC) рейтингида 14-поғонани банд этиб турибди.

Эслатиб ўтамиз, QALAMPIR.UZ’га берган интервьюсида Жалолов ўзбек бокси нега IBA рейтингида қозоқ боксидан ортдалигига ҳам изоҳ берганди.