Жонатан Хеник АҚШнинг Ўзбекистондаги янги элчиси этиб тасдиқланди
World
−
28 July 2022 7571 1 minute
АҚШ Сенати мамлакатнинг Ўзбекистондаги янги элчиси лавозимига Жонатан Хеник номзодини маъқуллади. У амалдаги элчи Дэниел Розенблюмнинг ўрнини эгаллайди.
Хеник яқингача Давлат департаментида Марказий Осиё бўйича бош дипломат вазифасини бажарган. У, шунингдек, халқ дипломатияси йўналишида узоқ йиллар хизмат қилган, бу борадаги дастурларга бош-қош бўлган. Хеник Туркия, Озарбайжон, Португалия ва Ўзбекистонда ҳам турли лавозимда фаолият юритган.
Айни дамда Хеник АҚШ Мудофаа университетининг Кибер хавфсизлик ва ахборот коллежида Давлат департаментининг масъулидир. У Глобал ўзаро алоқа маркази директори ўринбосари лавозимида ишлаган ва Россия, Хитой ва Эроннинг дезинформацияларига қаршилик кўрсатишни мувофиқлаштирган.
Маъумот учун, амалдаги Америка элчси Дэниел Розенблюм фаолиятини Қозоғистонда давом эттиради.
Live
All
