Жиззах ва Навоийда кучли шамол уйларнинг томини учириб юборди

Жамият 5990
image
-

Ёзнинг илк кунида Республиканинг Жиззах ҳамда Навоий вилоятларида 18-23 м/с тезликда кучли шамол эсди. Оқибатда айрим аҳоли яшаш хонадонлари ва транспорт воситаларига зарар етди. Бу ҳақда Ўзбекистон Фавқулодда вазиятлар вазирлиги хабар бермоқда.

Маълум қилинишича, кучли шамол оқибатида Жиззах шаҳри Олмазор маҳалласида жойлашган 1-кўп қаватли уйнинг 300 квадрат метр майдондаги том қопамаси қулаб тушган. Ҳодисада шу уй олдида бўлган Lacetti ва Cobalt русумли автомобилларга техник зарар етган. 

Бундан ташқари, Навоий вилояти Учқудуқ тумани “Йўлчилар” ОФЙ, “Дўстлик” МФЙ, “Айтим” МФЙ ҳудудида жойлашган кўп қаватли аҳоли яшаш хонадонларида ҳам шундай холатлар кузатилган. Жабрланганлар йўқ.

Ушбу ҳолат оқибатларини бартараф этиш мақсадида 2 та махсус техника ва 16 нафар қуқтарувчи жалб этилган. Айни вақтда воқеа жойида зарурий тадбирлар амалга оширилиб, ишлар давом этмоқда.

Умиджон Нозимжонов
Мақолага баҳо беринг
Баҳолаганлар: 140
Рейтинг: 3.2
Теглар
t
×