Жириновский МДҲ давлатларига Россия таркибига кириш йўлини кўрсатди

Олам 16187
image
-

Россия Либерал-демократик партияси фракцияси етакчиси Владимир Жириновский МДҲ мамлакатларини Россия тарибига киришга чақирди. У ҳаммдўстлик давлатлари қай тариқа қўшилиши мумкинлиги ва бу қандай оқибатларга олиб келишини маълум қилди.

Жириновскийнинг айтишича, собиқ совет иттифоқи майдонидаги сиёсатчилар секин-аста МДҲдан-да кучлироқ тузилмани яратишлари мумкин.

"Говорит Москва" радиостанцияси эфирида у Россия ва Беларусь муносабатлари Иттифоқдош давлатлар форматида олиб борилишини айтиб ўтди.

Худди шундай форматни Қирғизистон ва Тожикистонга таклиф этиш мумкин, деб қўшимча қилди сиёсатчи.

“Собиқ совет иттифоқининг 14та республикалари учун барча муаммоларни ечиш, тўлиқ хавфсизлик ва зўр иқтисодиётни таъминлашнинг энг яхши йўли - бу Россия таркибига губерния ҳуқуқи асосида киришдир. Душанбе губернияси, Бишкек губенияси, Ереван, Рига, Житомир, Киев ва бошқа губерниялар тариқасида", деган Жириновский.

Сиёсатчи радио эфир давомида 20 йил олдин Беларусь президенти Александр Лукашенко унга Беларусь Россия таркибига қўшилишга тайёрлиги ҳақида айтганини эслаган.

Қайд этиш керакки, Жириновский томонидан ҳудуд бўйича бундай мунозарали фикрлар илк бор билдирилмаяпти. Умуман олганда у собиқ иттифоқ таркибида бўлган давлатларнинг Россия билан муносабати борасида кўплаб куракда турмас таклифларни билдириб келади.

Суннатилла Абдуллаев
Мақолага баҳо беринг
Баҳолаганлар: 800
Рейтинг: 2.9
t
×