ЖЧ-2026 мухлислар ташрифи бўйича рекорд ўрнатди

2026 йилги футбол бўйича Жаҳон чемпионати тарихдаги энг кўп томошабин ташриф буюрган турнир деб топилди. Ўйинларга аллақачон 3,6 миллион мухлис ташриф буюрган ва бу янги рекордга ҳисобланади. Бу ҳақда FIFA хабар берди.

Маълумотларга кўра, 2026 йилги Жаҳон чемпионатига 3 млн 605 минг 357 нафар мухлис ташриф буюрган. Шу тариқа ушбу мусобақа FIFA томонидан расман тарихдаги энг кўп одам келган Жаҳон чемпионати деб тан олинди. 

NBC телеканалининг аниқлик киритишича, бундан олдинги рекорд 1994 йилги Жаҳон чемпионатида ўрнатилган. Ўша турнир ҳам АҚШда бўлиб ўтган.

25 июнь кунги ҳолатга кўра, Мексика, АҚШ ва Канадада жорий йилда узоқроқ давом этаётган турнир бошланганидан бери ўтган дастлабки икки ҳафта ичида 3,6 миллион киши йиғилган.

Бир вақтнинг ўзида бўлиб ўтган Германия–Эквадор ва Кот-д'Ивуар–Кюрасао учрашувларидан сўнг янги рекорд қайд этилган – 3 605 357 киши.

Шунингдек, АҚШ стадионлари аввалги Жаҳон чемпионатларини қабул қилган аксарият стадионларга қараганда каттароқ сиғимга эга эканлиги қайд этилган. Қатарда бўлиб ўтган сўнгги турнирдаги аксарият стадионларнинг максимал сиғими тахминан 45 минг кишини ташкил этган эди.