Jazoirning O‘zbekistondagi yangi elchisi tayinlandi
Jamiyat
−
08 iyul 1596 1 daqiqa
Kecha, 7 iyul kuni O‘zbekiston Respublikasi Tashqi ishlar vaziri Baxtiyor Saidov Jazoirning O‘zbekistondagi yangi tayinlangan Favqulodda va Muxtor Elchisi Jamila Ashurning ishonch yorliqlari nusxalarini qabul qildi. Bu haqda Tashqi ishlar vazirligi xabar berdi.
Ma’lum qilinishicha, tomonlar uchrashuv davomida joriy yil iyun oyida Jazoirga amalga oshirilgan rasmiy tashrif yakunlari hamda erishilgan kelishuvlarni amalga oshirish masalalari yuzasidan fikr almashgan.
Shuningdek, O‘zbekiston tomoni savdo-iqtisodiy, investitsiya, ta’lim, madaniyat va boshqa istiqbolli yo‘nalishlardagi hamkorlikni yanada faollashtirishga tayyor ekanini bildirgan.
Eslatib o‘tamiz, 11 iyun kuni O‘zbekiston Respublikasi hukumati bilan Jazoir Xalq Demokratik Respublikasi hukumati o‘rtasida diplomatik pasport egalarini viza talablaridan o‘zaro ozod qilish to‘g‘risidagi bitim imzolangan edi.
Live
Barchasi
