Жанубий Кореяда сув тошқинлари оқибатида ҳалок бўлганлар орасида ўзбекистонликлар борми?
Олам
−
16 Июль 2023 7975
Жанубий Кореяда бир неча кундан бери давом этаётган ёмғирлар ва сув тошқинлари оқибатида ҳалок бўлганлар ва жароҳатланганлар орасида Ўзбекистон фуқаролари йўқлиги маълум қилинди.
“Ўзбекистоннинг Сеулдаги элчихонаси хабарига кўра, сув тошқинлари ва кўчкилар оқибатида ҳалок бўлганлар ва жароҳатланганлар орасида ўзбекистонликлар аниқланмаган”, дейилади хабарда.
Шунингдек, вазият ўзбек дипломатлари назоратида экани қайд этилган.
Эслатиб ўтамиз, Жанубий Кореяда ўтган ҳафтадан бери давом этаётган ёмғирлар оқибатида 32 киши ҳалок бўлди, яна 10 киши бедарак йўқолди.
Ҳозирда минглаб одамлар эвакуация қилинмоқда.
“Yonhap” агентлигига кўра, ҳалок бўлганларнинг аксарияти жануби-шарқий Шимолий Кёнсан провинциясида қайд этилган бўлиб, у ерда 17 киши асосан кўчки ва турар-жой биноларининг қулаши оқибатида ҳалок бўлган, тўққиз киши бедарак йўқолган.
