Жанубий Кореяда самолёт ёниб кетди
Олам
−
29 Январь
7455Кеча, 28 январь куни Жанубий Кореянинг Кимхэ шаҳридан Гонконг шаҳрига учаётган Air Busan самолёти парвоздан бир неча дақиқа олдин ёниб кетди. Бу ҳақда “Yonhap” хабар берди.
Қайд этилишича, бу нохуш воқеа маҳаллий вақт билан соат 22:00 да содир бўлган. Самолёт бортида йўловчилар ва экипаж аъзолари билан бирга 176 киши бўлган. Ёнғиннинг дастлабки дақиқаларида одамларнинг ҳаммаси шишириладиган трап ёрдамида эвакуация қилинган. Енгил жароҳатлар олган етти кишидан ташқари жиддий қурбонлар бўлмаган.
Йўловчиларнинг маълум қилишича, ёнғин самолётнинг орқа қисмида – 20-30 қатор оралиғида ўтирган йўловчининг юки туфайли келиб чиққан. Бунинг оқибатида эса самолётнинг деярли ярми ёниб кетган. Жанубий Корея Транспорт вазирлигининг Авиация ва темирйўл ҳодисаларини текшириш қўмитаси ёнғиннинг аниқ сабабини аниқлаш учун йўловчиларнинг берган маълумотлари ва ҳолатларини таҳлил қилиш кераклигини айтди. Бундан ташқари, самолётнинг қутиси, борт ва кабинанинг камераларини кўриш режалаштирилган.
Эслатиб ўтамиз, 2024 йилнинг 29 декабрь куни Жанубий Кореядаги аэропортда бортида 181 киши бўлган самолёт ҳалокатга учраганди. Самолёт мамлакат жануби-ғарбидаги Муан халқаро аэропортида учиш-қўниш йўлагидан чиқиб кетган ва қўниш йўлаги ташқарисидаги тўсиққа урилиб, ёниб кетган. Сўнгги маълумотларга кўра, 179 киши ҳалок бўлган. Омон қолган икки киши – бир йўловчи ва экипаж аъзоларидан бири.
Сара Комилжонова
LiveБарчаси
18 Февраль
18 Февраль