Зеленский Трампдан кечирим сўради – Уиткофф

АҚШ Президенти Дональд Трампнинг махсус вакили Стив Уиткофф Украина Президенти Владимир Зеленский Трампга йўллаган мактубида “узр сўраганини” айтди. Бу ҳақда у “Fox News” телеканали орқали чиқишида сўз очди.

Уиткофф Саудия Арабистонидаги Америка-Украина музокаралари олдидан муваффақият қозонишига умид билдирди.

“Зеленский Президентга мактуб йўллаб, Овал кабинетдаги воқеа учун узр сўради. Менимча, бу муҳим қадам ва бу борада жамоаларимиз, украиналиклар ва европаликлар ўртасида кўплаб учрашувлар бўлиб ўтди”, деди Трампнинг махсус вакили.

4 март куни АҚШ Президенти Трамп Конгрессдаги нутқи давомида Зеленский унга мактуб йўллаб, Америка Қўшма Штатлари билан ноёб қазилмалар бўйича шартнома имзолашга тайёрлигини билдирганини айтган эди. Трамп ўз нутқида “кечирим сўраш” сўзини ишлатмади, у мактубдан мамнунлигини ва яқин орада Украина билан келишув имзоланишига ишонишини айтди.

АҚШ Президенти Дональд Трамп ва Украина Президенти Владимир Зеленский 28 февраль куни Овал кабинетда бўлиб ўтган учрашувда камералар олдида тортишди. Кейинчалик эълон қилинган қўшма матбуот анжумани бекор қилинди, Зеленский Оқ уйни ёлғиз қолдирди ва нодир қазилмалар бўйича битим имзоланмади.

Трамп Зеленский “Америка халқини ҳурмат қилмаслигини” таъкидлаган бўлса, Зеленский эса узр сўраш учун етарлича хато қилмаганини айтди.

4 март куни кечқурун Конгрессда сўзлаган Трамп, Зеленский унга Украина ноёб қазилмалар тўғрисидаги битимни имзолашга ва тинчлик музокараларини бошлашга тайёрлиги ҳақида мактуб юборганини айтди.

Бошқа томондан, АҚШ Марказий разведка бошқармаси директори Жон Ратклифф Трамп ва Зеленский ўртасидаги Овал кабинетдаги суҳбатдан сўнг улар бу мамлакатга разведка маълумотларини қўллаб-қувватлаш ва ҳарбий таъминотни вақтинча тўхтатганини тасдиқлади ва бу вақтинчалик чора эканлигини таъкидлади.