Ўзбекистон бозорларида резина тухумлар пайдо бўлдими?
Жамият
−
23 Февраль 2019 9407
Ижтимоий тармоқларда Ўзбекистон бозорларида, хусусан, “Ўрикзор” савдо мажмуасида сунъий тухумлар сотилаётгани ҳақида хабарлар тарқалди.
Шу сабабдан Ўзбекистон Истеъмолчилар ҳуқуқларини ҳимоя қилиш жамиятлари федерацияси огоҳлантиради, деб ёзмоқда ЎзА.
Мазкур ҳолат юзасидан кеча, 22 февраль куни “Ўрикзор” савдо мажмуасидаги дўконларда мониторинг, яъни парранда тухуми билан савдо қилувчи тадбиркорлар билан бирма-бир суҳбат ўтказилиб, савдо юритувчиларга санитария, хусусан тиббий дафтарчаларга эга бўлиш ҳамда маҳсулотларга бериладиган ветеринария маълумотларини тақдим этиш талаблари қўйилди.
Шунингдек, савдода бўлган тухумлардан намуналар олиниб, ҳар бир сотувчининг ўзи гувоҳлигида қисқа муддатли кўргазмали текширув ўтказилди.
Хулосаларга кўра, текширув давомида тухум намуналари истеъмолга яроқли экани аниқланди.
Савдо мажмуаси маъмурияти ВСЭЛ, ДСНЭМ, Тошкент шаҳар ҳокимлиги “Муниципал активларни бошқариш маркази” ДУК томонидан ўзаро ахборот алмашишга келишиб, назорат кучайтирилди.
Live
БарчасиБухорода Ғиждувон деҳқон бозори ёнмоқда.
14 Декабрь