Йўлкира – 3000 сўм. Тошкентда экспресс автобус йўналиши ташкил этилади
Жамият
−
29 Ноябрь 2021 14965
Тошкент шаҳрида йўлкира ҳақи 3000 сўм бўладиган янги экспресс автобус йўналиши ташкил этилади. Бу ҳақда Тошкент шаҳар транспорт бошқармасининг Матбуот хизмати хабар берди.
Қайд этилишича, ушбу йўналиш 20,5 км масофадан иборат бўлиб, унда автобуслар 4 та жадвал асосида 23-дақиқалик оралиқ интервал билан қатнайди.
Хабарга кўра, янги экспресс автобус йўналиши Чилонзор буюм бозори автошоҳбекатидан бошланади. Шундан сўнг автобус Бунёдкор, Фурқат, Себзор, Ахмад Дониш кўчалари орқали Тошкент халқа автомобил йўлида жойлашган Учқахрамон бозори яқинидан қайрилиб олиб, Юнусобод мавзеси 12-даҳа охирги бекатига қадар йўловчи оқими гавжум катта оралиқ бекатларда тўхтаб ҳаракатланади.
Live
Барчаси