Йил бошидан бери ис гази неча кишини ўлдиргани очиқланди

Жамият

image

Ўзбекистонда жорий йилнинг 25 январь ҳолатига кўра 28 нафар фуқаро ис газидан захарланиш оқибатида вафот этган. Бу ҳақда ФВВ, ИИВ, Саноат хавфсизлиги давлат қўмитаси, Техник жиҳатдан тартибга солиш агентлиги маълум қилди.

Қайд этилишича, жорий йилнинг дастлабки 25 кунида ис гази билан боғлиқ 16 ҳолатда 9 нафар фуқаро захарланган ва 28 нафар фуқаро вафот этган.

Таҳлилларга кўра, ис газидан заҳарланиш ҳолатларининг аксарияти қуйидаги сабабларга кўра юзага келмоқда:

•    фуқаролар томонидан газ ва муқобил ёқилғи (кўмир, ўтин ва бошқа) турларидан фойдаланишда хавфсизлик чораларига риоя этмаслик;

•    ностандарт (қўлбола ясалган) ёки сертификатга эга бўлмаган иситиш печлари ва анжомларидан фойдаланиш;

•    иситиш печларининг дудбуронларини нотўғри ўрнатиш;

•    газ ёки бошқа муқобил ёқилғига мослаштирилган иситиш печлари (анжомлари)ни дам олиш (ухлаш) хоналарига олиб кириш;

•    ҳаво алмашмайдиган хоналарни иситишда очиқ олов (кўмир ва ўтин чўғлари)дан фойдаланиш;

•    ҳавони алмаштирувчи шамоллатиш шахталари ёки туйнукларни беркитиб (тўсиб) қўйиш шулар жумласидан.


Мақола муаллифи

Теглар

ис гази

Баҳолаганлар

55

Рейтинг

3

Мақолага баҳо беринг

Дўстларингиз билан улашинг