Европа мамлакатлари Россияга санкция қўллашга келишди

Бугун, 27 январь куни Европа Иттифоқи мамлакатлари Ташқи ишлар вазирлари Россия Федерациясига қарши санкцияларни узайтиришга келишиб олди. Бу ҳақда Европа Иттифоқи дипломатияси раҳбари Кая Каллас Х ижтимоий тармоғида ёзиб қолдирди.

Унга кўра, Москвани урушни молиялаштириш учун даромадлардан маҳрум қилиш давом этади. 

“Европа Иттифоқи Ташқи ишлар вазирлари Россияга қарши санкцияларни узайтиришга келишиб олди”, дея ёзади у. 

Шунингдек, у Россия келтирган зарарни тўлаши кераклиги ҳақида ҳам қўшимча қилган. 

Эслатиб ўтамиз, бугун, 27 январь куни Европа Иттифоқи Россияга қарши санкцияларни узайтириш бўйича яна бир бор келишиб олишга тайёрланмоқда ва Венгрия бу қарорни қўллаб-қувватлашга тайёрлиги ҳақида хабар берилганди. Аввалроқ Европа Иттифоқига раислик қилувчи Польша Бош вазири Дональд Туск Венгрия Бош вазири Виктор Орбанни Россия Федерациясига қарши санкцияларни узайтиришга вето қўйса, бунинг оқибатлари билан таҳдид қилганди. Унинг ёзишича, агар Венгрия Бош вазири Европа санкцияларини тўсиб қўйса, Путин томонга ўйнаётган бўлади.