Евро-2024: Нимчорак финал якунланди

Кеча, 2 июль куни Германия мезбонлик қилаётган футбол бўйича Европа чемпионатининг нимчорак финал баҳслари якунланди. Мазкур босқични Руминия-Нидерландия ва Австрия-Туркия ўртасидаги учрашувлар тугатиб берди.

Руминия-Нидерландия баҳсида голландлар тўлиқ устунликни ўз томонига олиб, йирик 3:0 ҳисобида зафар қучди. Учрашувда голларга Коди Гакпо ва Дониелл Маллен муаллифлик қилди. Маллен 83 ва 90+3 дақиқаларда гол уриб, жамоасининг ишончли ғалабасини таъминлади.

Австрия-Туркия баҳсида турклар аъзоси Мериҳ Демирал катта саҳнага чиқди. Демиралнинг 1 ва 59-дақиқада киритган голлари туркияликларга чорак финал йўлланмасини тақдим этди. Австриядан ягона жавоб тўпига 66-дақиқада Михаель Григорич муаллифлик қилди.

Шундай қилиб, Европа чемпионатида нимчорак финал баҳслари ўз поёнига етди. Англия, Португалия, Германия, Испания, Нидерландия, Туркия, Швейцария ва Франция терма жамоалари турнирдаги юришини давом эттиради.