Елизавета II нинг турмуш ўртоғи юрак хуружи билан боғлиқ операцияни бошдан ўтказди
World
−
04 March 2021 5411 1 minute
Буюк Британия қироличаси Елизавета II нинг турмуш ўртоғи, 99 ёшли Эдинбург герцоги Филипп юрак хуружи билан боғлиқ операцияни бошдан ўтказди, энди у яна бир муддат шифохонада бўлади. Бу ҳақда BBC Букингем саройи матбуот хизматига асосланиб хабар берган.
Сарой матбуот хизматининг таъкидлашича, Эдинбург герцоги ушбу операцияни Санкт-Варфоломей шифохонасида кеча, 3 март куни ўтказган. Операция муваффақиятли ўтган.
У навбатдаги муолажаларни қабул қилиш ва соғлиғини тиклаш мақсадида яна бир неча кун шифохонада қолади.
Маълумот ўрнида, жорий йилнинг 18 февраль куни герцогнинг тоби қочгани туфайли шифохонага ётқизилгани ҳақида хабар бергандик.
Live
All