ЕИ Россияга телефон суҳбатларини тинглаш мосламаларини беришни тақиқлади

Европа Иттифоқи инсон ҳуқуқларини бузганлик учун янги санкциялар доирасида Россияга суҳбатлар ва бошқа алоқа маълумотларини тинглаш, кузатиш ёки ушлаш учун полиция жиҳозлари ва технологияларини етказиб беришни тақиқлади. Бу ҳақда ЕИ кенгаши баёнотида айтилади. 

“Янги санкциялар режими, шунингдек, ахборот хавфсизлиги соҳасидаги ички репрессия ва асбоб-ускуналар, технологиялар ёки дастурий таъминот, шу жумладан телекоммуникация маълумотларини кузатиш ёки ушлаш учун ишлатилиши мумкин бўлган асбоб-ускуналар ва техникалар савдоси ва экспортига чекловларни ҳам ўз ичига олади”, дейилади Европа Иттифоқи Кенгаши баёнотида. 

Шунингдек, Иттифоқ Россияга енгил қуроллар, гранаталар, ҳарбий портловчи моддалар, пичоқлар, найзалар, тиканли симлар ва ўқ отиш симуляторларини етказиб беришни ҳам тақиқлади, чунки буларнинг барчаси ички репрессия учун ишлатилиши мумкин.

“Ички репрессия учун ишлатилиши мумкин бўлган жиҳозлар рўйхатига ўқ отиш қуроллари, ўқ-дорилар, отиш машғулотларида ишлатиладиган симуляторлар, бомбалар ва гранаталар, бошқа портловчи қурилмалар, шунингдек уларнинг таркибий қисмлари: аммотол, нитрогликоль, пикрил хлорид, тиканли симлар, пичоқ узунлиги 10 см дан ортиқ бўлган жанговар пичоқлар ва найзалар”, дейилади ҳужжатда. 

Аввалроқ Россияга барча турдаги қурол ва ўқ-дориларни етказиб бериш Украинанинг ҳудудий яхлитлигини бузганлик учун асосий санкция режимида тақиқланган эди, бироқ бошқа санкция рўйхатига қайта киритилиши Европа Иттифоқи амалиётига зид эмас. Шу тариқа, Брюссель муассасалари, режимлардан бири бекор қилинган тақдирда ҳам тақиқнинг имкон қадар узоқ вақт давомида ўз кучини сақлаб қолишини таъминлашга ҳаракат қилмоқда. 

Шунингдек, ушбу маҳсулотларни европалик ишлаб чиқарувчиларга Россияга сотиш тақиқланган электрон алоқа, электрон почта, SMS-хабарлар, турли хил хавфсизлик протоколларини бузиш учун ускуналар, технология ва дастурий таъминотнинг кенг рўйхати илова қилинган.

Эслатиб ўтамиз, санкция рўйхатига Москва шаҳар суди судьяси Татьяна Додонова,  Федерал жазони ижро этиш хизмати инспекцияси бошлиғи Александр Ермоленко, прокурор Александр Гладишев, РФ Тергов қўмитаси терговчиси Иля Савченко,  Москванинг Головинск туман суди судьяси Елена Астахова ва Олий суд судьяси Николай Дубовик киритилган.

Барча шахсларнинг Европа Иттифоқи ҳудудига кириши тақиқланади ва уларнинг активлари, агар Европа Иттифоқи мамлакатларида топилса, музлатилади. 

Бугун, 27 май куни Европа Иттифоқининг 27 давлати ташқи ишлар вазирлари Россия Федерациясида ҳамжамият фикрича, инсон ҳуқуқларини бузаётган жисмоний ва юридик шахсларга қаратилган Россияга қарши янги санкциялар режимини тасдиқлади. Тахминларга кўра, янги режим ЕИга Россияда мухолифатни таъқиб қилиш учун масъул бўлган шахслар ва ташкилотларга қарши санкциялар қўллаш имконини беради. Норасмий равишда янги режим Алексей Навальний номи билан аталган.