ЕЧЛ ҳафта рамзий жамоаси эълон қилинди

WhoScored интернет портали Европа Чемпионлар лигасида ҳафтанинг энг яхши футболчилари рамзий терма жамоасини тақдим этди. 11 ва 12 апрель кунлари мусобақа чорак финалининг дастлабки ўйинлари бўлиб ўтди. 

“Милан” “Наполи”ни (1:0), “Реал” “Челси”ни (2:0), “Манчестер Сити” “Бавария”ни (3:0), “Интер” меҳмонда “Бенфика”ни мағлуб этди (2:0).

“Манчестер Сити”дан Бернарду Силва ва Родри нашр томонидан Европа Чемпионлар лигасида ҳафтанинг энг яхши ўйинчилари деб топилди. Турнирнинг ҳафта жамоаси таркибига “Манчестер Сити”нинг 4 нафар , “Интер” ҳамда “Реал”нинг 3 нафар ва “Милан”нинг бир нафар футболчиси киритилди.

ЕЧЛ ҳафта рамзий жамоаси: Эдерсон (“Манчестер Сити”), Камавинга (“Реал Мадрид”), Дармиан (“Интер”), Бастоне (“Интер”), Калабрия (“Милан”), Винисиус Жуниор (“Реал”), Барелла (“Интер”), Родри (“Манчестер Сити”) , Бернарду Силва (“Манчестер Сити”), Холанд (“Манчестер Сити”), Бензема (“Реал”).