Январь охиригача бизни қандай об-ҳаво кутяпти?

Бу қизиқ 13563
image

Гидрометеорология хизмати маркази жорий йилнинг январь ойи давомида Ўзбекистонда қандай об-ҳаво кузатилиши ҳақида прогнозларни маълум қилди.

Қайд этилишича, жорий йилнинг январь ойи нисбатан илиқ, аммо ёмғирли об-ҳаво билан бошланди. Республика ҳудуди бўйича деярли ҳар куни ёмғир, тоғларда асосан қор кўринишидаги ёғингарчилик кузатилган.

7 январда республика ҳудудининг катта қисмида ёғингарчилик тўхтади. Фақат Тошкент, Сурхондарё вилоятларида эрталаб, Фарғона водийсида кун давомида баъзи жойларда бироз ёмғир ёғади. Республиканинг тоғли ҳудудларида бироз қор ёғади.

8 – 14 январда республика ҳудуди бўйича асосан ёғингарчиликсиз об-ҳаво бўлиши кутилмоқда.

9 – 12 январда ҳаво ҳарорати кечалари 2 даража совуқ 3 даража илиқ атрофида, кундуз кунлари 3-8 даража илиқ, баъзи жойларда 10—12 даража илиққача, 13—14 январда кечалари 0-5 даража илиқ, кундуз кунлари 8-13 даража илиқ атрофида бўлади.

Январь ойининг иккинчи ярмида ҳарорат кечалари 0-5 даража илиқдан 3-8 даража совуққача, кундуз кунлари 8-13 даража илиқдан 0-5 даража илиққача, шимолда эса кечалари 0-5 даража совуқдан 10-15 даража совуққача, кундуз кунлари 3-8 даража илиқдан 0-5 даража совуққача ўзгариб туриши кутилмоқда.

Иккинчи ўн кунликнинг бошида ва учинчи ўн кунликнинг айрим кунларида ёмғир ва қор кўринишидаги ёғингарчилик бўлиши кутилмоқда.

Юлдуз Абдурашидова
Мақолага баҳо беринг
Баҳолаганлар: 748
Рейтинг: 2.9
t
×