Янги “Сантиаго Бернабеу” очилиши қачон ўтказилиши маълум бўлди
Спорт
−
19 Апрель 2023 10393
Испаниянинг “Реал Мадрид” клуби анчадан буён ўз уй аренаси “Сантиаго Бернабеу” стадионида қайта қуриш ишларини амалга оширмоқда. Қурилиш ишлари жадаллик билан олиб бориляпти ва катта эҳтимол билан жорий йилнинг декабрь ойида янги “Сантиаго Бернабеу”нинг очилиши бўлиб ўтади. Бу ҳақда “Marca” хабар берди.
Ҳозирги вақтда “қироллик клуби” мазкур стадионда ўз уй ўйинларини ўтказмоқда, бироқ ҳали стадион трибуналарининг барчаси фойдаланишга топширилмаган ва якунига етмаган реконструкция ишлари мавжуд.
Маълумот учун, “Сантиаго Бернабеу” стадиони ўз бағрига 82 мингга яқин томошабинни сиғдира олади. Арена 1947 йилда бунёд этилган. Стадионнинг дастлабки номи “Нуево Эстадио Чамартин” ҳисобланади. Кейинчалик стадион номи 1943-1978 йилларда “Реал Мадрид” президенти сифатида фаолият юритган Сантиаго Бернабеу номи билан аталган.
